pusta magla

petak, 27.01.2012.

Crkla krava!

Krepala je krava,nima više mlika?
Ma jok kako nema a di je ono mliko od one krave ča nan je dala EU u sklopu svitovanja oko ulaska u istu,pita mali Ivica ćaću.
Pa lipo san reka da je krepala,opet će ćaća,krepala maksimalno.
A ona naša?Di je ona naša stara krava i kako to misliš da je krepala maksimalno? opet će Ivica začuđeno.
Ma ča si šenija pa staru smo krknuli pasani misec i prodali onome ćozotu od HDZ ki ju je triba speći ka vola na dan izborne pobide.
Je i ča je učinija sad kad su zgubili?Ope će Ivica.
Pa eto kupija ledenicu o osansto litar i strpa kravu nutra neka čeka nove pobide mile mu stranke, rastumači ćaća i uzme motiku sikiru i karijolu i oputi se preme vosiku.
Fermaj bogati ma mi nisi reka ča mu ga ono dođe maksimalno oli more i minimalno,pita mali pa brže bolje krene za ćaćun.
A more,more i minimalno i maksimalno a nas je ćapalo maksimalno ovaj put,govori ćaća,jebi ga maksimalno za popizditi.
Jebenti ako je meni sve jušto u glavi,minimalno,maksimalno biće da me zajebavaš i ča će ti sad sikira,motika i karijola?
E moj sinko vidiš da je bar ova krava krepala misec dan prije bija bi nju uvali umisto one stare onome ćozotu to ti je prva varijanta. A unda vidiš jope da je i pasalo sve ovako kako je pasalo i da su joni od HDZ pobjedili ,bili bi pojili onu staru i sad bi oni lule uzeja i ovu za ućinit još jednu reprizu na veličanstvenu mu pobidu,znači lule bi ope bija u komandi i napisaja bi mi da mi se dogodila elementarna šćeta i eto ti dobili bi lipo dvi žive krave najdeblje šorte direto iz EU,objasni ćaća ekonomsku politiku krupnog zuba pa nastavi dalje,eto vidiš da je šlo po prvemu načinu bili bi ostali bez jedne krave ,znači minimalna šćeta,primjer drugi maksimalna dobit e a ovo ča se je dogodilo ka ča vidiš je maksimalna šćeta eto ti na sad valjda razumiš.
E....pa ni to ni tako lako zračunati jema tu puno vanjskih i nutrenjih kako bi se no po noveme reklo čimbenika.Nego oćemo li sad ča dobiti od te elementarne pogodbe? priupita Ivica.
Je dobit ćemo rog za sviću u caklenki .
I ča ćemo sad,nema mlika nema krave,ope pita Ivica
Sad ćeš viti ča će mi sikira,motika i karijola,sa sikirun racipati kravu sa motikun skopati bužu za zakopati kravu a karijola je prevozno sredstvo da kravu prevezemo od točke "A" do točke "B",malo će naježeno ćaća.
A ča je sad to sa tima točkami a di su te točke,izgubljeno će jope Ivica.
Ajde lipo u pizdu materinu i ti i Evropska Unija i HDZ i elementarna prigoda i ekonomija i vaša skula i profešuri ča vas uču i eto ti još roge ćaćine i materine.................

- 20:55 - Komentari (0) - Isprintaj - #

utorak, 05.07.2011.

HR kuharica

Meni mi se čini da se u ovi naši maloj i smišnoj državi kuhadu veliki brunzini nike čudne i tuje spize? A je,morebiti da su to nike tajne i mračne ricete ča jih je ono ona naša donila drito iz one ajmo reći evroske nutranje kuhinje.
I zato van ovi dani njanci "P" od politike veliko evroskog ujedinjenja. Ma pravo da van rečen jebe se meni i za evropu i za Zagreb,neka njih lipo tamo sa njihovun šporkun politikun.A pitan ja vas: Ča mi tribamo hoditi u evropu kad oni svako lito dođu ovdi kod nas na more i pušćadu eure.Ako Zagrebu triba evropa,neka gre zbogun i blagoslovun a nas neka pustu na miru,snaćemo se mi i bez Zagreba ka ča smo se snašli i 1940 kad su nas se odrekli.Vlada i sva ova naša brižna i jalova politička banda bi vidin ja trgovali sa našin moren,obalon i školjima ka da jin je ćaćino ali nisu nas uspioli ruvinati ni oni prije a bogami nećeju ni ovi sad.
Sad mene muči ma ča smo ono hodili u rat 90te za samostalnost oli za lojalnost ili more biti nas je previše bilo pa ajde malo da se proridimo da niko treći kad dođe da uvati više mista.
Ala molajmo se politike valja ovima mojima čagod skuhati za vičeru kad dođu onako gladni,žedni i pečeni sa kupanja.
Ja ću glasati proti evropske unije jer meni je drago ovo naše more i lito i furešti turisti i furešta munita.

- 17:33 - Komentari (2) - Isprintaj - #

petak, 28.01.2011.

Vino,pivo i rakija duši mojoj strašno prija!

Maškare su ljudi moji poseban običaj u ovo naše malo misto,jemaju kako bi se ono reklo tradiciju dišpeta i uvik su kontra aktualne nam tekuće politike. A eto baš sad nikako gre jena študija u ovi naši armaduri o maškar,koga ćemo ovu godinu zgoriti u koledu,jedni bi tili Sanadera,drugi Mesića,treći Josipovića,četvrti Jadranku,peti Milanovića a ja san jin reka da bi bilo najbolje zgoriti Šukera i onega Čobana. Je potli smo se složili da za ova dva zadnja nimamo tako velike munture a bilo bi grihota od boga razarmati po tri veštida za obući ova dva karatela. I na kraju smo se ipak odlučili da ćemo jemat jednega domaćega lupežića za krnevala i taj je prava slika i prilika ove naše politike nika za niš ni kriv i uvik spuzne ka angulja iz ruke pravde. Sigurno ste oma pogodili ki je to "Zna se Kalmetić".Eto namignuli smo pa možda oni iz Uskoka,Gonga,PMS-a i ča ti ga ja znan kako li se sve zovu te organizacije ke lovu tu stoku sitnog i krupnog zuba,svte koga triba pritisniti i strpati u prežun a ne čekati da jin spizdi ka oni Alibaba Sanaderić pa sad oće neće u rvasku na suđenje. Dobro ste razumili Alibaba a jema još ovdi u državi i još un svojih četrdese ajdukov gladnih vukov ki čistu sve do čega dođeju i to još od devedesete godine bez ikakve smetnje. Pitanja su oće li ki uopće moći fremati tu ajdučiju i kad,a možda ćemo mi ka država propasti prije negoli koga i ćapaju,a možda i dogodi se čudo (ka ča bi Giboni reka) da pođemu u jevropu pa unda mi ka država u toj istoj splodiramo ka rak rana iznutra te unije i eto razjebemo i tu umjetnu tvorevinu. Ništa pustimo mi tu šporku politiku kvragu i vrnimo se mi na temu maškara i narodnih običaja (i to je iz nike pisme) ka ča bi rekli naši stari:Bolje da krepa selo nego običaji!!! Ove godine je hit pisma o našega krnevala----- Oj Mosore Mosore mi idemo u gore da lovimo krnevala i četrse jataka...................................

- 18:18 - Komentari (4) - Isprintaj - #

srijeda, 20.10.2010.

Stigla jesensko-zimska garnitura

!!!!!!!!!!!!!!!!!!!!!!!!A K C I J A !!!!!!!!!!!!!!!!!!!!!!!!!!

Navali narode stigla friška roba drito iz Češke sve lipo i mlado tamo nider okoli dvaseipet malo rabljeno (oće reć ni još rastegnjeno ka laštik od mudanat) sa velikun dozun optimizma anke i dobre mire,sve je onako na svome mistu, pari ka da je Mikelanđelo klesa.
Znači lipe,drite i dugaste noge,krma ka u bracere,prova pari ka oni spajsšlat ,ili kako mu ga već zovu,samo ča ne splodira ko una tempirana bumba,ti je takneš i unda letiš u tri....za popizditi o lipote. E da mi je kojih dvajset manje,ča bi štrapali okolo ka pompjeri.

Cjena prava sitnica plati dvi dobiješ tri i ako preživiš devet rundi,desetu kuća časti.Diskrecija maksimalna ča oće reć da nema plaćanja u čeki oli kartice a nema ni na brukvu .Plaća se muniton ka ča su kune,euri,amerikanski dolori,bosanske marke,engleške štrline,švicarski franki a more i u naturi a to je : vino,rakija,maslinovo ulje,pršut,sir,suhe smokve,mendule,karube,suhe kobotnice,suhi pasi i maške(morske da nebi ki koli misli od kraja),slane srdele i inćuni,tramakani šarunići,bazotane manule,sezonsko povrće ka ča je npr. kunpir,pomidori,kukumari,petrosimul,blitva,broskva lajavica,šćeta broskva ....itd.Moguće je plaćati,sa predhodnim dogovorun, i u živini znači- janci,prajci,kozlići,kokoše nesilice ili tovilice,petesi,patke,guske i pilići te friška tunjevina-u obzir dolazi tuna zgra pedeset kili da me nebi jebali oni iz inšpekcije.
A ako nimate i mislite da nimate ništa a tili bi degustirati naše usluge,svejedno dođite ljudi smo dogovoriti ćemo se!Jemamo mi i jednoga našega likara ki će van kiruškon preciznošću i to sa kosiron za samo par minuta,pazi sad,B E Z naglašavan još jedanput B E Z ANESTEZIJE,zguliti jedan-- ili ako kojim slučajem jemate tri-- dva bubriga.
A zač je bitno da je ta kirurgija bez anestezije,zato da oma iza operacije morete poći doma a da van se ne manta uglavu i ako slučajno umrete nikome ništa--da me nebi jebali oni iz inšpekcije jope.
Boran ti skoro san zaboravi --more se plaćati i u drva (u obzir dolazi maslina,črnika i planika borovinu ložite vi doma) dok ne nakupin dvisto metri.Eto uglavno san više manje sve zaokruži a za morebitne i morepotribne ibnformacije se obratite na ranije objavljeni informativni doušnik a morete i pisati i na postojeću brzopoštnu imenovnicu.

Živili vi meni dok ne umrete!

- 19:05 - Komentari (5) - Isprintaj - #

četvrtak, 24.06.2010.

Luk i kapula finila je skula !!!

Jebite se lipi moji,otiša san na bivandu
još je živa stara Keka i sva vonja na levandu....itd.

Počeja je sa radun naš legalni uvozni kupleraj i moren van reći da san se puno začudija da je ovi naš domaći svit bija tako,kako bi se reklo,potriban jedne ovako međunarodne ustanove. A je,je mislija san da ćedu se ovi naši mlodići sramiti a sad bogati moraja san naručiti još par ovih šjoric iz inozenstva i podiliti jih u tri smene ta potribnjaci dođedu nared.Ča se tiče ovih naših šjor,zakazale totalno oštija ka da su sve svetice najvišega standarda,sline jin kapaju a ne popušćaju.Ništa zato dok je ovijeh lipih ukrajink a i nove krvi neće nikome naškoditi da se bar ovi muškići poženiju,unda će biti i više dice a kad je više dice unda tribadu i butige bolje raditi triba to sve obući,napiti i naist a unda triba i više radit ,kopat i masline brat,znači obnoviti poljoprivredu i revitalizirati školj.Eto ča se sve priko one stvari okrene ali naši političari samo pizde uprazno,valjalo bi i njima u sabor otvoriti ki koli kupleraj da i oni brižni moreju bar jedanput svršiti niku stvar do kraja na obostrano zadovoljstvo.Dobro pustimo sad politiku.
i eto sezona počela stranci dolaze i zaradi ovih naših ne moredu doći nared sa svi ča stvar laura 24 ure nadan.Morati ću uvest još jeno dvajse djelatnic pa početi raditi oni sistem naružba na kuću oli ti ga ono" door to door"vidija san da tako piše na jedan kombi. Eto ča sve čovik mora učinit da zadovolji druge A lipo san govorija ovimi našin ženskin dežgracijami ajte boga van vašega i vi bi mogle lipo zaraditi a troke plaća ali one neće i neće.
Ajde svitu moj ode ja na brumbulj vina a vi kako van drago !!!!!!!!!!!!1

- 15:14 - Komentari (3) - Isprintaj - #

utorak, 16.02.2010.

Kažin oli ti ga bludna kuća

Vidin ja da iz ove krize ne moren nikako normalnin puten pa san ništo študira da bi mi bilo najbolje otvoriti ilegalan kažin.Je pravo ste pročitali kažin,vidija san da jema u ovo naše misto puno,kako bi se reklo interesenata sa jedne i sa druge strane,samo jin fali jedan adekvatan prostor di bi oni bili komodni.
Jedino bi morebit bija problem ki bi kome triba plaćat te usluge,ne mislin na prostor nego za ove interesente.A čujte potriba pritišće i jedne i druge.
Eto zato bi ja učinija ti kažin ilegalan i po ceni,plaćalo bi se samo da se pokrije trošak za pranje lancuni i morebiti piturivanje zida ako nekome pobigne priko koćete.Jedini pravi profit bija bi od prodaje vijagre ili zavajona sa prošekun za kripost i domaćega alkohola razne vrste te limunade od pravih friških limunov i kamamile iz susidovega vrtla
Diškrecija bi bila zagarantira na ka u banki i ča je bitno nebi se vodila knjiga gostov.Za prvo vrime bi bile na raspolaganje jeno par mladih žen čigovi muži navigaju i jeno deset neudanih uigranih polovnjač,to bi bilo čase tiče ženske čejadi a ča se tiče od muških bi bilo za prvu ruku šest ili sedan bisnih mulcov i jedno dvajset neoženjenih,neiskusnih okoli četrdeset pa i više godin sramežljivih pubertetlija.

Za sad bi bilo to sve ča se tiče ponudbe a posli vićemo zavisi o potražnje.
Svi morebitni zainteresirani moredu se javit na dotičnemu jeli blogu,pa kad se skupi jedno desetak mušterij,javit ću van za raspored.



P.S. Oštija skoro san zaboravi,napišite vaše želje,možda bi te tili i vi dati ne samo primit oli od sprida oli od zada oli u bok, tako da van na vrime parićamo ponudu oli potražnju. I još,goldunov imamo u miljar šešti tako da ne tribate baciljati ako ga nimate u zase,jemamo i svake vrste baterij i punjačov za punpanje falših organov i kakoli se već zovu.

Provajte nećete požalit,jebeš PDV i krizni porez!

- 20:59 - Komentari (4) - Isprintaj - #

utorak, 26.01.2010.

Levantara i sukrupavac!!

Lipa nan je ova današnja prognoza.Možda će niko misliti da san malo nase nogami ali jebe se meni,mene ovo vrime pijaža i nikako se oćutin ka dite.Sićan se uvik ka danas kad bi bilo ovakovo vrime moj dida i njegov brat su užali siditi kod špahera i bruntulati kako je sad a kako je bilo unda.Dosta puti smo ostajali i bez struje pa je sve izgledalo " an plag" ili kako se to već reče.Zamislite vanka mrzli levantun i škuro ka u rogu a u kući svića,topli špaher i dva bruntulića (ka ona dva u loži iz mapetov) a ja san bi ka jedno veliko uho i supa svaku rič ča su govorili a imali su ča i reći,fala bogu pasali su celi svit okolo i naokolo.Najčešće su teme bile okoli žensk i šverca.Kad bi digod priupita koju besidu bi mi rekli:A ti si još mali pa ne razumiš ma isto zapanti jer kad zađeš viši ćeš razumiti i viti ćeš da nismo falili.I eto tako san ja zapantija slučaj sa" negrun i šmolicun" i oni slučaj sa bičvama od najlona,pa kontraband žutega cukra iz Bonbaja,pa karbuna iz Glazgova,kafa iz Šantoša,švilene blužice iz Peterburga,itd.Jebenti sunce kad se toga danas sitin i kad malo bolje to razumin vidin ja da su oni jemali gušte i dišpete kakovih mi njanci sa kompjuterom ne moremo naštimat a kamoli uživo doživiti.Najviše mi se je od svih tih njihovih štorij dopala (ma je nisan do nedavna skušuma) ona o ženskami pa gre ovako ( ženska čejad neka mi oprosti na ovemu ja samo prinosin ča san ču) :U kraljice i u prasice je ona stvar ista,niti jednoj ne stoji poplesko! Eko sad ima svaki slobodu da bira zaključak kako oće a ja van govori da ćete svi doći do krivoga zaključka!!!!!!!!!

- 19:31 - Komentari (7) - Isprintaj - #

četvrtak, 21.01.2010.

Hamlet po naški

To be or not to be ....,oli ča bi u našem pučkom jeziku naš čovik reka:ili jesan ili ti ga nisan,nit znan tko san niti disan....oli još u ovo današnje vrime u slobodnemu prijevodu znači :Raditi ili ne raditi pitanje je sad?
Plaću ionako neću dobit Ja!
Eto ljudi moji ovo van je živi dokaz da je oni Hamlet bija,je i biće za sva vrimena,pa govorili mi ili ne govorili ipak je nešto trulo u državi XYZna kvadrat i da je to još pomišati sa kvantnom teorijom di bi nan bija kraj?
A ti kralju pljunen ti u lice
Zašto braniš narodu pravice?
Dođi bliže Boga li ti tvoga
Pa da vidiš brajko ki će koga!
Kad te moja nožina raspara
Neće tebi tribati likara!
Nećeš našeg uživati truda
Niti isti od labuda muda.............

- 20:31 - Komentari (3) - Isprintaj - #

petak, 01.01.2010.

Slava staroj,sranje u novoj!

E jebiga sad su jope izbori a tija san van čestitati Novu godinu bez predizborne kampanje. Ča je tu je sad će se vidit koliko pismenih ljudi ima u nas rvata.Za jednega će glasati po Bosne u Bosni i druga polovica Bosne u Hrvatskoj ali ni to nema veze bitno je samo to da Hrvaskega prisjednika izglasaju ljudi ki ne živu u Hrvaskoj i ča je najvažnije ne plaćaju istoj porez.
To van dođe ništo slično ka za vrime Franja Josipa kad su nan Austrijanci birali bana.Rekli bi bivša braća-Istorija se ponavlja,nema šta tu da se radi!
Izborili smo samostalnost i sad bi nan triba prežident ki ni njanka rođen u Hrvatskoj ka oni Kuen Hedervari nazdravlje!

- 22:41 - Komentari (1) - Isprintaj - #

petak, 25.12.2009.

Fala Bogu i kraju predizbornoj kampanji!

Prvo: Neka van je ovi Božić sritan i blagoslovljen.
Drugo: Pamet u glavu kad budete hoditi glasati.P.S. svi su van oni isti,laži i mažu samo da se dokopaju fotelje i tuteka se sve fini.
E to u ovi njihovi kampanj pet od mogućih dotičnih mogućih prežidenti svi su, ajde da ne rečemo grubo, isto kakili.Dili li su sve one škapulare muhte ka da in je ćaćino a niki su davali i nike mezo trlišiće kontra dažju i to uniseks mire onako odoka.A lipo jih je bilo gledati ka onega puta kad je ono užala biti štafeta pa ono pleskanje i one bandirice eh ka unda kad smo znali čekati a mi onako mladi u crljenima hulahopima i modrimi kratkimi gaćami i tarakami na trike trake,belu košulju.crljeni facol oko vrata i modra pijonirska kapa sa zvizdun.Lipa su to bila vrimena anke i bakalar je lipše vonja nego ovi sadašnji. Nego pustimo sada to,tija san van samo pridočit kako su ti skupi izgledali iz moje funestre (dobija san tri kila od sedenja i gledanja).Treatar van počne oprilike u deset uri svakega petka u tekući šetemani i traje obično do prvega dažja ili do nedilje dok se vidi.Prvo na scenu prižentaju razne palete, karatele,puntižele,ploče,armadure od letrike i zvučniki (valjda za one gluhe jer ovdi se čuje di susid prne iz druge kuće) unda pusti tapeti u stranački kolur,bandire u sve veličine,kabeli,katride stoli eto pari ka ono kad se paričiva za krneval. E unda van uleti ekipa univerzal d.o.o. ki to sve složi i učini pozornicu,namisti mikrofone,zvučnike,svitla,kabele spoji letriku i unda jedno dvi ure ponavljaju :jedan,jedan,jedan,,,ka da nima drugih broji u matematiki.Kad oni to svima podile jedinice dolazi druga ekipa na scenu oni van dođu ka redari za maglu i paučinu stavu oni kričavi đileti i čuvaju da dica nebi raštimala jedinice.Oko po ure popodne počmu dolaziti i prvi kurijožali unda počme debata ki je danas na redu i koliko će trajati oće li ča diliti muhte ki je ča i koliko škapulara do sad skupije...Na uru i po uleti glavni organ u mistu sa još par manjih organića i čine fintu da ništo vižitaju pa počnu ka niki komandosi govorit na radijostanice ćeš da je sve uredu.I taman kad ja završin obid eto puste rulju na trg i malo posli eto nam i voljeni XY mogući pridsidnik sa par žonglera ki non stop nešto vrte.Rulja pada u ekstazu muški viču ženske kriču majke ti božje ka da su Bitlisi došli na scenu.Oni redari stanedu u špalir ispred pozornice organi iza njih i unda jedan od onih žonglerov uzme mikrofon podili svima jedno par jedinica i dade ga XY-nu,ovi prihvati pa počne. dragi ovi i oni,ovakvi i onakvi,vi ste ovo meritali a dobili ste ono,...ali kad ja buden prežident e unda ćete vi viti ča ste sve mogli imat a niste.I kažen ja vama sve će se to izminit i mi ćemo ovako ili onako ući u Erosku kuhinju EU,sa više neznan čega ali ni manje ...i unda se počnu beside ki jih ja ni u jedan hrvaski libar nisan vidi,da ne vidite ki govori mislili bi da je kineski prenos utakmice na radiju.To blebetanje van oprilike traje jednu uru,možda bi i trajalo i više samo govornik se obično toliko smanta sa tima srtanjskima ričima da više ni un nezna ča je reka pa raje ferma da nebi čakoli reka dva puta isto.Znači ovi frema govorit a rulja u isti mah bandirice uzrak,maši i kriči.I to traje nekih pet minut nato ovi XY jope ništo blekne i jope bandirice i tako par puta.Na kraju jedan žongler oputi mužiku a XY žvelto napusti pozornicu .Par žonglera se posli vrne podilu škapulare i uglavnom to je to.Na kraju ostane par lokalnih ćumbitisov,politička scena bez promine a na brodu svima slabo.
Znači u nedilju svi na izbore i popunite glasački listić baren krivo jer ako ga vi ne upotribite ONI će ga sigurno iskoristiti.


Ajte lipo mi stojte i još jedan put sritan Božić i držite se drito i ne virujte svakome !!!!!!!!!!!!!!!!!!!!!!!!!!!!!1

- 15:52 - Komentari (0) - Isprintaj - #

<< Arhiva >>

Creative Commons License
Ovaj blog je ustupljen pod Creative Commons licencom Imenovanje-Dijeli pod istim uvjetima.

< siječanj, 2012  
P U S Č P S N
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Siječanj 2012 (1)
Srpanj 2011 (1)
Siječanj 2011 (1)
Listopad 2010 (1)
Lipanj 2010 (1)
Veljača 2010 (1)
Siječanj 2010 (3)
Prosinac 2009 (1)
Studeni 2009 (2)
Srpanj 2009 (1)
Lipanj 2009 (3)
Svibanj 2009 (2)
Travanj 2009 (3)
Ožujak 2009 (5)
Veljača 2009 (6)

Dnevnik.hr
Gol.hr
Zadovoljna.hr
OYO.hr
NovaTV.hr
DomaTV.hr
Mojamini.tv

BODULSKA RIČ

  • TIRAMOLA OLI TI GA POVUCI POTEGNI!

Linkovi